أغنية قديمة لكن رائعة جدا
اسمها حبيبتي اللى هيا غناء الشيخ امام
حبيبتى اللى هيا
حبيبتى اللى جاية
يادايماً عروسة
ودايماً صبية
بحبك يابت
... بحبك أوى
مصحصحنى حبك
وفاهم أوى
أنا أصلى عاشق
بسهم الهوا
فى حشا القلب راشق
وعين المحب العليل الجليل
تفرق مابين الذلول والأصيل
أنا بقا حسب عقلى حاسب ميعاد اللقا
وشايفك قمر ملو ليل ...
وشايفك ملاك للهموم والتعب
وجايبة الهدوم للعيال واللعب
وشايلة ابتسامة بلون الفرح
ولون الربيع فوق خدودك طرح
أنا أصلى شاعر وشايف بعينى الخيال والمشاعر
بلدنا الجديدة هتحبل وتحزق وتولد قصيدة
قصيدة انما مش قصيدة هزار
قصيدة مسار وانكسار وانتصار
وشوفت القصيدة مزارع سعيدة
بتسرح وتفرح وتطرح صبية
صبية شقية شقية وعنيدة
وتكبر وتكبر سنين كل يوم
تبربش رموشها الطويلة المديدة
تصيب القمر فِ السما والنجوم
صبية ولا كل من قال صبية
عليها ابتسامة تزيح الهموم
بحبــك يابت
بحبك صحيح
بعقلى المتيم
وقلبى الجريح
وجرحى اللى بيكى
بينزف صبابة
ازيد عندى بيكى
وشوفى الغرابة
نادينى المواجع
وروحى الربابة
وتنزل دموعى
وشوق الصحابة
اغنى واغنى
بدم الغلابة
ياليلى ياعينى
ياليل الديابة
مابين يوم وليلة هتطلع بهية
مابين يوم وليلة هتطلع بهية
لمراسلة الكاتب tagrbty@live.se
ليست هناك تعليقات:
إرسال تعليق